امثال من العالم

المشرفة العامة ●○ مدينتــﮯ *: :

امثال من العالم

أمثال يونانية

المرأة إما أن تحكم أو تخدم
لاتثق بالمرأة حتى وإن ماتت
وعود المرأة تكتب على صفحات الماء

امثال مصرية

زى القطط يأكلوا وبينكروا
فى الشارع عروسة وفى البيت جاموسة
اللى ماتعرفش ترقص تقول الارض عوجة
إن كان الرجل بحر تكون المرأة جسر
إبنك على ماتربية وجوزك على ماتعوديه
إكفى القدرة على فمها تطلع البنت لامها
من برا هلا هلا ومن جوا يعلم الله
ادى العيش لخبازه
ان كان لك عن الكلب حاجة قوله يا سيدى
اخرت خدمة الغز علقة
يدى البخت لمكتكتين الروس
يدى الحلق للى بلا ودان
لا تصاحب الأقرع ولا تأخذ منه نصيحة ، لو ربنا يحبه كان خلاها له صحيحه
المتعوس متعوس لو حطه على بابه فانوس
قليل البخت يطلع له عظم في الكرشة
قلبي على ولدى انفطر ، وقلب ولدى عليا حجر
القرعة تتباهى بشعر بنت أختها
قالوا للحرامي احلف ، قال ( جالك الفرج )
يا مصبر الوحش على الجحش
اللهم طولك يا روح على هذا اللوح
لحمتك مشغته ليه ، قالهم اصل الجزار معرفة
اللي تقول عليه موسى يطلع فرعون
قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو .
الحلوة حلوة لو قامت من النوم ، والوحشة وحشة لو تغسل وشها كل يوم
يموت الزمار وصوابعه بتلعب
اللي متحبش تشوف وشه يجي يوم وتتمنى تشوف قفاه
الحظ لما ياتي يخلى الأعمى ساعاتي ، والمكسح عجلاتي
أدى الجمل و آدى الجمال
ابعدوا تبقوا عسل واقربوا تبقوا بصل
اتحمل همك و هم غيرك تموت و انت واقف على حيلك
اربط البغل جنب الحمار ان ما تعلم شهيقه يتعلم نهيقه
أردب فول و لا أردب شعير
أكل و مرعى و قلة صنعة
الله يخليكي يا شدة ياللى تبينى ده من ده
اللى ايده فى المية غير اللى ايده فى النار
الله يلعنك يا زمان يا للى خليت للندل كلام و جبت اللى ورا قدام و خليت السيد خدام
اللى اتلسع من الشوربة ينفخ فى الزبادي
اللى يطلع من داره يتقل مقداره
أمك فى العشة و لا طارت
ان سرقت اسرق جمل و ان عشقت اعشق قمر
أول الرقص حنجلة
اول القصيدة كفر
ازي مريضكم ؟ قال قوينا مات
الباب اللى يجيلك منه الريح سده و استريح
باب النجار مخلع
البحر واحد و السمك ألوان
بختك يا بو بخيت
البدرية بتولد خروف و الكلبة بتولد ألوف
بركة يا جامع جت منك و ما جتش منى
برد الصيف أحد من السيف
برة وردة و جوة قردة
بصلة المحب خروف
التاجر لما يفلس يدور فى دفاتره القديمة
التجارة شطارة
تبقى فى ايدك و تقسم لغيرك
تحت القبة شيخ
تحلف لى أصدقك اشوف أمورك استعجب
يموت الزمار وصوابعه بتلعب
جاب عاليها واطيها
الجار أولى بالشفعة
جبت سيرة القط جه ينط
جبتك يا عبد المعين تعيننى لقيتك يا عبد المعين تنعان
جعان افت لك ، تتعشى و لا تبات خفيف
جبت الديب من ديله
الجواز قسمة و نصيب
الجودة من الموجود
جوز البنية أغلى من نور عنية
جوعه على جوعه تخلى الصبية زوعة
جيب السبع ما يخلى و إذا كان مخلى
حالق راسه و عدمان ناسه
الحب يعمل المستحيلات
حاميها حراميها
الحب مالوش كبير
حصيرة الصيف واسعة
الحما حمة و لو كانت ملكة من السماء
الخال والد
خد بنت الندل و خاصمه
خد من التل يختل
خد من دقنه و افتل له
خدوا فالكو من عيالكم
خدى شايب يدلعك و لا تخدى صبى يلوعك
خطوة عزيزة
الدكان جنب الدكان و الرزق على الرحمن
الراجل الخايب خلفته كتير و البطيخة القرعة لبها كتير
رجل بره و رجل جوه
رجعت ريمة لعادتها القديمة
رش المية عداوة
زى البيض الممشش يتدألج على بعضه
زيادة الخير خيرين
زى مسمار جحا
ساعة الحظ ما تتعوضش
ساعة لقلبك و ساعة لربك
ساعة القضا يعمى البصر
السكوت علامة الرضا
سكينة الأهل ما تدبحش
سبحان العاطى الوهاب بعد الشبشب والقبقاب
شغته و لحمه و ما غرب إلا احنا
صباح الخير يا جارى آل انت فى حالك و انا فى حالى
صاحب بالين كداب و صاحب تلاتة منافق
جوز الاتنين يا قادر يا فاجر
الصباح رباح
الصبر طيب و طبيب
الضافر ما يطلعش من اللحم
الضرب فى الميت حرام
ضربوا الأعور على عينه قال خسرانة خسرانة
عتاب الندل اجتنابه
العبد فى التفكير و الرب فى التدبير
عصفور فى اليد خير من ألف على الشجر
على سنجة عشرة
على قد حاله
عمر الدم ما يبقى ميه
عمر الأسى ما يتنسى
العيار اللى ما يصيب يدوش
غاب القط العب يا فار
الغايب ما لوش نايب
الغاوى ينقط بطاقيته
الغريب اعمى و لو كان بصير
الغزال ميشلش لحم
فولة و انقسمت نصين
الفلوس مع التيوس
قيراط حظ ولا فدان شطارة
كأنك يا أبو زيت ما عزيت
خالتى و خالتك و اتفرقت الخالات
كانت فى جرة و طلعت لبره
كتر البكا يعلم النواح
كتر التكرار يعلم الحمار
المال السايب يعلم السرقة
كل جتة بتحط زكاها
كل شئ و له تمن
كل واحد متعلق من عرقوبه
كل فولة وليها كيلها
لا تعيبوا إلا على الصلا و الصوم
لقمة هنية تكفى مية
لو كان فيه خير ما كان رماه الطير
ضربنى وبكى وسبقنى واشتكى
مات فى جلده
ما جمع إلا لما وفق
ما يجيبها إلا رجالها
ما حدش أحسن من حد
ماشية على حل شعرها
من حط عقله فى راسه يعرف خلاصه
من عاشر القوم ثلاثين يوم صار منهم
موت يا حمار على ما يجيلك العليق
مية نيلى و وشوش خنازيرى
مية مالحة وشوش كالحة
الناس خيبتها السبت و الحد و انت اللى خيبتك ما وردت على حد
ناس فايقة و ناس مدايقة
النا متحرقش مؤمن
النبى وصى على سابع جار
نص العمى و لا العمى كله
نقبك على شونة
نعيب و العيب فينا و ننازع و الروح فينا
هبلة مسكوها طبلة
هو دخول الحمام زى خروجه
هين قرشك و لا تهنش نفسك
هو السؤال حرم
ودن من طين وودن من عجين
وقوع البلا و لا انتظاره
وقف على السلم يرقص لا اللى فوق شايفه و لا اللى تحت شايفه
يا ارض انهدى ما عليكى قدى ((( حبيت اختم بالمثل دا )))

مثل بلجيكى

يخرب البيت ثلاثة زوجة شابة وخبز جديد وخشب اخضر

مثل تشيكى

المرأة الجميلة تحتاج الى ثلاتة أزواج واحد ليدفع ديونها وواحد لتحبة وواحد ليضربها
لاتستند الى الجدار المائل ولا الى المرأة

مثل بلغارى

لاتثق بشمس الشتاء ولا بقلب المرأة

امثال شرقية

يختبر الذهب بالنار وتختبر المرأة بالذهب
لم تنه المرأة عن شئ الا وفعلته
دموع المرأة دليل كذبها
استشر زوجتك دائما ثم نفذ ماتراة انت
النساء ناقصات عقل ودين
إثنان فى خطر النساء والزجاج
ما أشق على المرأة أن تكتم سرا
المرأة كالحرباء تتلون كيفما شاءت

مثل روسى

للمرأة سبعا وسبعون رأيا فى آن واحد

مثل البانى

لاشجار بلا امرأة

مثل برتغالى

المرأة التى تحب اثنين تخدع كلاهما

مثل هندى

لاتكف المرأة عن الكلام إلا لتبكى

امثال اسبانية

بالعين تطلب المرأة وتأخذ وتكرة وتقتل
من العبث ان تراقب إمرأة سيئة
المرأة كظلك إتبعها تهرب واهرب منها تتبعك

مثل اوكرانى

الزوج قانون زوجتة

مثل ايطالى

جمال السماء فى نجومها وجمال المرأة فى شعرها

مثل فنلندى

اشتر من بيت الغنى جوادا ومن بيت الفقير زوجة

مثل سويدى

قلب المرأة يرى أكثر من عيون عشرة رجال

مثل ياباني

الشيطان استاذ الرجل وتلميذ المرأة
ثق بأمرأتك مادام أمك تراقبها

امثال انجليزية

المرأة شعر طويل وعقل قصير
آخر مايموت فى الرجل قلبة وفى المرأة لسانها
المرأة القبيحة مرض للمعدة والمرأة الجميلة وجع للرأس
النساء والجسور دائما تحتاج الى ترميم
لا سلاح للمرأة إلا لسانها
من تزوج إمرأة لها ثلاث بنات تزوج اربع لصوص

امثال ايرلندية

المرأة تغلب الشيطان
سل المرأة مرة او مرتين فإن لم تأخذ بوجهة نظرك فاقتنع أنت بوجهة نظرها
ثلاثة أنواع من الرجال لايفهمون المرأة الشباب والشيوخ والكهول

امثال صينية

النساء كالحكام قلما يجدن أصدقاء مخلصين
إذا اخفق الشيطان فى التسرب الى مكان أوفد امرأة
المرأة كالسجادة كلما ضربتها بالعصا تخلصت من الغبار العالق بها ونظفت
يستطيع الرجل أن يحمى المرأة من كل رجل إلا نفسه

مثل لاتينى

من له بيت هادى ليست له زوجة
عندما تفكر المرأة بعقلها فإنها تفكر فى الأذى

مثل بولندى

الربيع عذراء والصيف ام والخريف أرملة والشتاء زوجة

المشرفة العامة ●○ مدينتــﮯ *: :

مثل ايطالى

جمال السماء فى نجومها وجمال المرأة فى شعرها

وااااااااااااااااااااااااااو بما ان شعري حلو يعني
هههههههههههههههههه
ميرسي يا ختي

تسلم إيديك

المشرفة العامة ●○ مدينتــﮯ *: :

هههههههههههههههههه
نورتى يا قمر

المشرفة العامة ●○ مدينتــﮯ *: :

تسلمى حبيبتى نورتى

» امثال شعبية كمبيوترية
» امثال مصريه على مزاجك
» امثال مابعد الثورة
» أطول برج في العالم
» أذكى بنت في العالم