حصل حوار بين طالب وجدته والطالب ده عليه امتحان بكره ماتيجى نشوف احلى
الله اكبر ــــــــ الله اكبر اذان الظهر
يارب يارب بحق الادان ده تنجح يا ابراهيم يابن ابنى واشوفك دكتور قد الدنيا
ابراهيم مين يا ستى انا اسمى احمد وبعدين دكتور ايه بس انا فى تجاره
وماله يا بنى هو يكتر على ربنا ربنا قادر على كل شىء
ياستى ونعم بالله بس اللى يطلع دكتور لازم يكون كلية طب وانا فى تجاره
يالا تجاره تجاره ــــــ دى حتى التجاره شطاره ـــــــ ده الله يرحمه جدك كان تاجر
فى الوكاله قد الدنيا
ياستى التجاره اللى فى الوكاله حاجه واللى فى الكلية حاجه تانيه خالص
ع العموم شد حيلك انت وانا اخلى جدك ياخدك معاه الوكاله عشان تتردح وتتودك فى السوق
جدى ايه اللى هايخدنى معاه..... ده جدى مات من زمان يا ستى
يا مصيبتى عبد الواحد مات .....ياحبيبى يا خويا مكنش يومك يا سبعى
ياستى ده ميت من تلاتين سنه
تلاتين سنه !!ده العمر بيجرى يا ولاد تصدق ولا حسيت بيهم....يلا فى داهية اهو غار
قطعه وقطعة سيرته ده كان بخل الدنيا فى امه الا عمره مادخل عليا ببطيخه
ولا حتى كيس جوافه ولا قرطاس لب يملا عينى
ياستى حراااااااام عليكى عايز اذاكر بقى
يوه وانا ماسكاك يا وله ماتذاكر .......ذاكر عشان ربنا يكرمك وتنجح وتأخد الدبلون
ياستى دبلون ايه بس .........اسمه البكالوريوس
انت هتضحك عليا يا واد اسمه الدبلون الواد ابن جارتنا جدع زيك كده فى مدرسة
التجاره واخد الدبلون
خلاص يا ستى دبلون دبلون بس سبينى اذاكر عندى امتحان بكره
ذاكر يا خويا ذاكر....تعرف يا وله ندرن عليا يوم ما تنجح لكون رايحه خطبالك عبير بت الجيران
ديه ايه ياواد ادب واخلاق وعلام كمان
ياستى عبير ديه معاها اعداديه
وماله يابنى الراجل ميعيبوش الا جيبه
راجل ايه ياستى عبير ديه بنت
عبير.. عبير مين يا وله انت تعرف بنات من ورانا
لا اله الا الله ـــــ ابوس رجلك ارحمينى بقى
طب ذاكر ......ذاكر جاتك نيله وانت طالع براوى كده زى امك
قطعت وقطعت سيرتها انا مش عارفه كان ابوك اجوزها على ايه
حكم .......ال لبس البوصة تبقى عروسه بس والنبى ومن نبى النبى نبى لكون مبوظه
الخطوبه دى واجوزه انيسه بت اختى
ياستى خطوبة ايه ابويا مجوز امى من 25 سنه وبعدين انيسه بنت اخوكى مش بنت اختك
وانتى اصلا معندكيش اخوات بنات
صحيح يا وله انا معنديش اخوات بنات.......اصل امى ماكنتش بتخلف صبيان
يالهوووووووى ـــــــــــ ستى ماتطلعى البلكونه شويه ده الهوا حلو اوى بره
لاء يا خويا ده فى جدع حليوه كده وشعره مسبسب فى البلكونه اللى قصادنا بيعاكسنى
خلاص روحى المطبخ زمان امى خلصت الرز
رز رز ايه يابنى انا فيا سنان للرز انا هروح البلكونه احسن ال رز ال
طب ابقى خلى بالك من الهوا يا ستى هوى لما يلطشك
الحمد لله اخيرا خرجت وقدرت اذاكر
رحت الامتحان تانى يوم وحلقيت كويس جدا الحمد لله وربنا كرمنى
بس للاسف المراقب سحب منى الورقة قبل ما اكتب اهم حاجه فيها
ياترى انا كان اسمى ايه ؟؟؟!!!!!!!!!!؟؟؟
رز